Әлмәттә Социалистик Хезмәт Геройларын искә алдылар

Әлмәттә 1 Май-Хезмәт һәм яз  бәйрәме Татарстан нефтенең 60 еллыгы исемендәге шәһәр паркындагы Геройлар аллеясына чәчәкләр салу белән дәвам итте.

Тантанада район җитәкчелеге, «Татнефть» компаниясе, профсоюз оешмалары, ветераннар, хезмәт коллективлары вәкилләре һәм яшьләр катнашты.

Әлмәт муниципаль районы башлыгы Тимур Нагуманов чыгышын  Хезмәт Геройларына хөрмәт күрсәтергә килгән барлык кешеләргә рәхмәт сүзләреннән башлады.

- Бу Беренче май көнендә без җиңүчеләр буыны, элекке һәм яңа заман Ватаныбызны саклаучылар белән бердәмлегебезне тоябыз. Алар Әлмәт җиренең горурлыгы булган кешеләр санына керә. Без һәрвакыт алар буынына чиксез рәхмәтле булырбыз.

Районыбыз үсешенә зур өлеш керткән барлык ветераннарга чын күңелдән рәхмәтемне белдерәм. Аларның акыллары һәм куллары белән киләчәк буыннарның иминлеге төзелгән, шәһәрнең 70 еллык данлы тарихы бар. Без Бөек хезмәт батырлыгы турындагы истәлек беркайчан да онытылмасын һәм яңа казанышлар һәм җиңүләр белән арттырылсын өчен барысын да эшләячәкбез, - дип билгеләде Тимур Нагуманов.

«Татнефть» ААҖ профкомы рәисе Гомәр Яруллин билгеләп үткәнчә, нефть тармагының беренче юлбашчылары, төзүчеләр, башка һөнәр вәкилләре үзләренең күпьеллык тырыш хезмәтләре белән Социалистик Хезмәт Герое исеменә лаек булалар һәм бу чара аларга рәхмәт белдерү генә түгел, ә үзәктә һәрвакыт хезмәт кешесе булган һәм булачак дигән төшенчә дә.

Аннары хөрмәтле кунаклар Социалистик Хезмәт Геройлары бюстларына чәчәкләр салдылар.

Әлмәт муниципаль районы башлыгының матбугат хезмәте