Апрель аенда Әлмәттә 137 бала туган

2023 елның апрелендә Әлмәттә 137 бала тууы теркәлгән. 74 малай һәм 63 кыз дөньяга килә. Бу хакта Әлмәт ЗАГСы хәбәр итә.

Бу айда иң җиңел сабыйның  авырлыгы 1395 грамм, иң авыры  4496 грамм булган.

Иң яшь әнинең яше – 18 яшь, иң өлкән әнигә 48 яшь, иң яшь әтигә 21 яшь, ә иң өлкәненә 53 яшь булган.

София, Әминә, Александра, Алина, Ева, Ясминә, Әмир, Давид, Матвей кебек исемнәр популярлыгын югалтмый. Бу айның сирәк исемнәре Физалия, Хәйдәр, Алисия, Румил, Мелания, Сабир, Әдил, Хаджар, Хәсән, Хөсәен, Камалия.