Әлмәттә төзекләндерүнең яңа кагыйдәләре кабул ителде

Әлмәттә депутатлар төзекләндерүнең яңа кагыйдәләрен кабул иттеләр. Шәһәрдә район советының чираттагы сессиясе һәм шәһәр советы утырышы узды. Депутатлар берничә мәсьәләне карады, алар арасында бюджетка үзгәрешләр кертү, контроль-хисап палатасы эшчәнлеге.

Сессиядә каралган төп мәсьәләләрнең берсе шәһәр һәм район территориясен төзекләндерүнең яңа кагыйдәләрен кабул итү булды. Проект белән экология һәм төзекләндерү департаменты җитәкчесе Марат Юлдашев таныштырды, ул яңа кагыйдәләр 41 бүлектән һәм 182 статьядан тора, аларда биналарны, шул исәптән торак йортларны, корылмаларны һәм җир кишәрлекләрен, фасадларның һәм коймаларның тышкы күренешенә таләпләр, төзекләндерү эшләре исемлеге һәм аларны үтәүнең вакытына, торак пункт территориясен төзекләндерүне оештыру, коммуникацияләр төзегәндә, ремонтлаганда, реконструкцияләгәндә, җирле әһәмияттәге автомобиль юлларын карап тотуда һәм җыештыруда җир эшләре үткәрүгә таләпләр.

Спикер ассызыклаганча, проектны кабул итү район бюджетыннан өстәмә акча бүлеп бирүне таләп итми.