Тимур Нагуманов Әлмәт юлларында тоз катнашмаларын азрак кулланырга өндәде

Әлмәт районында шәһәр территориясен, ишегалларын, трассаларны һәм авыл җирлекләрен нәтиҗәле карап тотуны тәэмин итәргә кирәк. Бу хакта атналык планеркада район башлыгы Тимур Нагуманов сөйләде. Ул «ГУАД» директоры Рәфис Сафиуллинга кар җыюны шәхсән үзенә контрольдә тотарга кушты. Моннан тыш, район башлыгы юлларны эшкәрткәндә тоз катнашмаларын куллануны киметергә өндәде.

- Республикадагы һәм Россиядәге уртача күрсәткечләрдән югарырак булган автомобильләр трафигының интенсивлыгы булганда, кызганычка каршы, без реагентлардан тулысынча баш тарта алмыйбыз. Ләкин азрак кулланырга кирәк, - дип ассызыклады түрә. Нагуманов тротуарларның һәм иҗтимагый киңлекләр территорияләренең чисталыгына аерым игътибар бирергә кирәклеген билгеләп үтте. Анда пөхтә итеп, әмма иң мөһиме, бозлавык булмасын өчен бик сыйфатлы итеп эшләргә кирәк, – дип нәтиҗә ясады район башлыгы.