Дала Зәе янындагы территориянең мастер-планын эшләү буенча бәйгегә йомгак ясалды
Әлмәттә Дала Зәе янындагы биләмәнең мастер-планын эшләү буенча ачык халыкара архитектура-шәһәр төзелеше бәйгесенең жюри утырышы булып узды. Ул «Татнефть» компаниясе инициативасы буенча узды.
Жюри әгъзалары һәм конкурсантлар адресына сәламләү сүзе белән «Татнефть» компаниясе генераль директорының капиталь төзелеш буенча урынбасары Николай Глазков, Әлмәт муниципаль районы башлыгы Тимур Нагуманов, экологик төзелеш буенча советка нигез салучы (RuGBC), бәйгенең Халыкара координаторы Гай Имз мөрәҗәгать итте.
Әлмәт сусаклагычы янындагы территорияне төзекләндерү проектының төп максаты - территорияне әлмәтлеләр һәм шәһәр кунаклары өчен әһәмиятле җәмәгать киңлегенә әверелдерү.
Бәйгедә катнашу өчен 16 илнең 37 шәһәреннән 44 гариза кабул ителгән булган. Гомумән алганда, конкурста катнашу өчен 6 континенттан, 48 илдән 243 гариза теркәлгән. Конкурс кысаларында катнашучылар тарафыннан 1700 гектардан артык мәйдан проектының төрле концепцияләре тәкъдим ителгән.
Бәйге ике этапта үткәрелде. 1 нче этап нәтиҗәләре буенча финалистларның 3 командасы билгеләнде - «АйЭнДи Аркитектс» ҖЧҖ, «ОБЕРМАЙЕР Консульт» ҖЧҖ, «Ай Кью студиясе» ҖЧҖ. Алар «Татнефть» компаниясе генераль директорының капиталь төзелеш буенча урынбасары Николай Глазков рәислегендәге жюрига ун айга якын эш нәтиҗәләрен тәкъдим иттеләр. Конкурс нәтиҗәләре матбугат конференциясендә, жюри утырышыннан соң игълан ителде.
Финалистларның чыгышларыннан соң жюри әгъзалары иң яхшы проектны сайлады.
Конкурста «Обермайер Консульт» ҖЧҖ җитәкчелегендәге консорциум җиңүче булды. Икенче урынны «АйЭнДи Аркитектс» ҖЧҖ җитәкчелегендәге консорциум алды. Өченче урында - «Ай Кью студия» ҖЧҖ җитәкчелегендәге консорциум.
Следите за самым важным и интересным в Telegram-каналеТатмедиа
Оставляйте реакции
