Әлмәттә Һава-десант гаскәрләре көнен бәйрәм итәләр

1930 елның 2 августында Воронеж астында 12 хәрби укулар барышында, парашют белән сикереп, Туполев ТБ-3 Совет бомбардировщигы бортыннан илдә һава десанты барлыкка килүне билгеләп үтәләр. ⠀

Десант гаскәрләре - Россиянең оборона сәләтенең һәм куәтенең берсе. Безнең канатлы десант батырлык, рух көче, тактик фикерләү һәм үз Ватаныңа тугрылык үрнәге булып тора.

Без хөрмәтле десантчыларыбызны бәйрәм белән котлыйбыз һәм ныклы сәламәтлек, иминлек, уңышлар һәм хезмәт казанышлары телибез. Сез - гаиләләрегезнең һәм бөтен Россиянең горурлыгы. Зәңгәр беретлардан башка Ватаныбыз өстендә тыныч күк йөзе булмас иде, сез-безнең тынычлыгыбыз һәм таянычыбыз.