Татарстан буенча «куркынычсызлык лабораториясе» узачак

Бүген «куркынычсызлык лабораториясе» комплексын Татарстанның Түбән Кама районы «балалар өчен өстәмә белем бирү үзәге» муниципаль бюджет белем бирү учреждениесенә тапшырдылар. Ул республика буенча йөриячәк һәм 17 яшькә кадәрге балаларны юл хәрәкәте кагыйдәләренә өйрәтәчәк.

"Монда, “куркынычсызлык лабораториясе“ндә, барлык юл ситуацияләре өчен җиһазлар тәкъдим ителгән. Балалар, җәяүлеләр һәм велосипедчылар сыйфатында юлга барганда, юл йөрү кагыйдәләре нигезләрен белергә тиеш. Әлеге җиһазлар ярдәмендә балалар теоретик әзерлек алачак, аннан соң юлга чыгачак», – дип сөйләде ТР буенча Юл хәрәкәте куркынычсызлыгы баш дәүләт инспекторы Ленар Габдрахманов.

Ул билгеләп үткәнчә, Татарстанда әлегә шундый бер комплекс бар, ләкин ул үзенең нәтиҗәлелеген күрсәткәч, республикада тагын берничә шундый лаборатория барлыкка киләчәк. 

"Куркынычсызлык лабораториясе"нә Түбән Кама районында нигез салыначак. Комплекс балаларга юл йөрү кагыйдәләрен өйрәтү өчен билгеләнгән кызгылт-сары йөк фургоны. Белем бирү программасы балалар бакчаларында тәрбияләнүчеләргә һәм кече яшьтәге мәктәп укучыларына, шулай ук машина йөртү таныклыгын алу турында уйлана торган өлкән сыйныф укучыларына исәпләнгән.

«Программа биш яшь төркеменә исәпләнгән. Аларның һәркайсы өчен 30-40 минут дәвамында дәрес каралган», - дип аңлатты «Куркынычсызлык хәрәкәте» эксперт үзәгенең проект эшләре буенча директоры Валентина Кульбицкая.

Ул «куркынычсызлык лабораториясе» ндә машина йөртү симуляторы, автомобиль креслосларында пассажирның куркынычсызлыгына багышланган зона, велосипедлар, самокатлар, велосипедчылар куркынычсызлыгы чараларын үтәү өчен җиһазлар, юл билгеләре, автомобильләр һәм автобус, радиоидарә ителә торган машиналарга ия булган стендлар, шулай ук «Александр»тренажеры булуын аңлатты. Анда кечкенә балалар ничек дөрес итеп терәләчәк, ә өлкәнрәкләр беренче медицина ярдәме күрсәтергә өйрәнәчәк.

Барлык җиһазлар да ике нөсхәдә тәкъдим ителгән. Бер җыелмасы булган автомобиль Татарстан мәктәпләренә барыр, ә икенчесе юл йөрү кагыйдәләрен өйрәнергә килүчеләр өчен өстәмә белем бирү үзәге базасында булыр дип көтелә.

«Татарстанда инде график төзелә, аның буенча комплекс хәрәкәт итәчәк. Барлык районнар да аларга килү өчен языла ала. Якындагы ярты елда ТР өч районына бару каралган", - дип өстәде Кульбицкая.

Мондый комплекслар Россиянең барлык төбәкләрендә дә барлыкка киләчәк. Татарстан кырык дүртенче булып үзенең күчмә «куркынычсызлык лабораториясе»н алды.

“Яңа уку елы башлану белән туры килүе, юлларда хәрәкәт интенсивлыгы арта һәм куркынычсызлык мәсьәләләре беркайчан да актуальләшә“, - дип ассызыклады ТР Мәгариф һәм фән министры урынбасары Станислав Андреев.

Андреев сүзләренчә, комплекс республика байлыгы булачак һәм Татарстанның иң аз санлы мәктәпләрендә дә булырга тиеш.

"Мин яхшы эшләрем өчен һәм ЮХИДИдә үсеп, эшләргә телим", – дип белдерде лабораторияне тапшыру тантанасында катнашкан хәрәкәтнең яшь инспекторлары отряды әгъзасы Адилә Хәмдиева.

Ул юллардагы юл хәрәкәте кагыйдәләрен бозу очракларын еш кына күрә, кагыйдә бозучыларга болай эшләргә ярамавы турында сөйли һәм алга таба мондый тәртиптән тыелырга сорый.

«Куркынычсызлык лабораториясе» проекты «Юл хәрәкәте иминлеге» федераль проекты кысаларында тормышка ашырыла.