Россия Президенты сайлауларында яшәү урыныннан читтә дә тавыш биреп була
31 гыйнварда яшәү урыны буенча теркәлгән адрес буенча сайлауларга килә алмый торган сайлаучылардан гаризалар кабул итү башланды.
Татарстанда яшәүчеләр Россия Президенты сайлауларында яшәү урыныннан читтә дә тавыш бирә алачак. Бу хакта Татарстан Үзәк сайлау комиссиясе рәисе Мидхәт Шаһиәхмәтов хәбәр итте. Территориаль сайлау комиссияләрендә һәм күп функцияле үзәкләрдә гаризалар 12 мартка кадәр кабул ителә. Республикада яшәүчеләр федераль дәүләт хезмәтләре порталы аша да гариза бирү хокукына ия. Республиканың территориаль комиссияләрендә гаризалар кабул итә торган 67 пункт ачылган. 25 февральдән 12 мартка кадәр участок сайлау комиссиясенә гариза бирергә мөмкин.
Следите за самым важным и интересным в Telegram-каналеТатмедиа