Әлмәт табибы COVID-19 буенча статистиканың дөрес түгел икәнлеген белдерде

Ул билгеләп үткәнчә, бу җитешсезлекнең берничә сәбәбе бар, алар вакцинацияләүнең мөһимлеген раслыйлар.

⠀
Рөстәм Насретдинов авыручыларның саны борыннан алынган материалга нигезләнеп санала ди. Анализларның бер өлеше ялган булырга мөмкин, ягъни пациент авырса да, анализ аның авырганын күрсәтми, тискәре була.
⠀
"Без сәламәтләнгән һәркемне тикшермибез. Әгәр, ким дигәндә, ике атнадан соң, антитәнчекләргә анализлар алсалар, статистика башка саннарны күрсәтер иде: авырулар саны берничә тапкыр артыр иде”, – ди Насретдинов.
⠀
Аның сүзләренә караганда, авыруларның 70% ы коронавирусны симптомсыз кичерә. Аларның күбесе авыру йоктырганын белми дә.
⠀
Хастаханәгә уртача авыр яки авыр хәлдә булган кешеләр генә эләгә: югары температура, үпкәләрдә авырту, ютәл, интоксикация һәм башка өзлегүләр күзәтелә.
⠀
Шуның аркасында табиб вакцинадан баш тартмаска чакырды:
"Сезнең фикерегез сезнең үзегез өчен бик мөһим. Ә минем өчен галим-вирусологларның фикере мөһим. Мин шәхсән үзем исбатлау өчен вакцина ясадым: өзлегүләр юк диярлек. Беренче көнне зур булмаган температура, җиңелчә хәлсезлек һәм иньекция урынында авырту булды. Әмма болар барысы да коронавирус инфекциясенең авыр агымы белән чагыштырганда, шундый вак-төяк”.
⠀
Рөстәм Насретдинов вакцинаны Covid-19 авырган кешеләргә дә ясатырга кирәк, дип ассызыклады.
⠀
Бу иммунитетны ныгыту өчен кирәк, чөнки алга таба вирусны мутацияләнеп, кире авырырга да мөмкин.
⠀
Табиб сүзләренә караганда, кичерелгән авырудан соң берничә ай үткәч, прививка ясарга мөмкин.