Без белмәгән түләүсез медицина хезмәтләре аталды

Мәҗбүри медицина иминиятләштерү программасы буенча медицина иминияте полисы халыкка база медицина ярдәмен тәэмин итә, монда беренчел медик-санитар ярдәм, махсуслаштырылган, югары технологияле, ашыгыч һәм паллиатив медицина ярдәме керә. "Прайм" агентлыгына юрист, медицина хокукларын яклау лигасы белгече Ирина Гриценко шушы хакта сөйләде.

Беренчедән, медицина ярдәмен күрсәтүнең билгеле бер сроклары бар һәм, әгәр алар бозылган икән, пациент үз иминият компаниясенә яки җирле Сәламәтлек саклау департаментына мөрәҗәгать итәргә тиеш. РФ Сәламәтлек саклау министрлыгы сайтында тәкъдим ителгән белешмәлек нигезендә, пациентка мөрәҗәгать иткән мизгелдән 2 сәгатьтән дә соңга калмыйча кичектергесез ярдәм күрсәтелергә тиеш, табиб терапевт, педиатр яки гаилә табибы авыруны 24 сәгатьтән дә соңга калмыйча, ә табиб-белгечләр 14 көннән дә соңга калмыйча кабул итәргә тиеш, дип билгеләп үтте юрист.

"Диагностика тикшеренүләрен көтү вакыты (УЗИ, рентген, маммография һ.б.) 2 атнадан, КТ, МРТ-1 айдан, онкологик авырулар белән пациентлар өчен – 14 көннән артмаска тиеш. Регламент буенча ашыгыч ярдәм килү вакыты 20 минуттан артмаска тиеш", - ди ул.

Практикада бу сроклар еш үтәлми һәм пациентка процессны үз хисабына тизләтергә тәкъдим итәләр. Кайбер төбәкләрдә, табибка вакытында эләгү мөмкинлеге булсын өчен, кешеләр терапевт яки педиатр кабул иткән өчен түлиләр.

Моннан тыш, мәҗбүри медицина иминиятләтерүенә керүче  медицина хезмәтләре дә бар, алар өчен пациентларга шактый еш  акча түләргә тәкъдим итәләр:

- теш алдыру;

- хирургик манипуляцияләр үткәргәндә яки стоматологиядә анестезия;

- калкансыман биз гормоннарын билгеләү;

- пациент стационарда булса, дару препаратлары;

- хирургик дәвалауда чыгым материаллары, мәсәлән, металл пластиннар, эндопротезлар, күзләрендәге операцияләр вакытында ясалма хрусталиклар;

- физиопроцедуралар;

- ЭКО;

- массаж (яшь чикләүләрсез);

- депрессияне дәвалау.

"Әгәр мәҗбүри медицина иминияте полисы булган очракта, сезгә мондый процедураларны эшләүдә баш тартсалар, бүлек мөдиренә мөрәҗәгать итәргә кирәк, әгәр бу ярдәм итмәсә, баш табиб исеменә шикаять язарга кирәк. Шулай ук сез иминият, территориаль сәламәтлек саклау департаментына һәм прокуратурага мөрәҗәгать итә аласыз", - диде юрист.