Әлмәт районы башлыгы Тимур Нагумановның медицина хезмәткәрләрен һөнәри бәйрәмнәре белән котлавы

Чын күңелдән сезне һөнәри бәйрәмегез - Медицина хезмәткәрләре көне белән тәбрик итәм! Гади булмаган, әмма тормышта бик мөһим хезмәтегез өчен тирән рәхмәтемне һәм хөрмәтемне белдерәм!

Узган ел, коронавирус инфекциясе янау сәбәпле, сезнең җилкәгә авыр йөк төште. Сезнең фидакарьлек, кыюлык һәм һөнәри осталыгыгыз бөтен дөньяны, һәркайсыбызны коткара.
Районда 6 дәүләт автономияле медицина учреждениесе, Әлмәт шәһәре һәм «Татнефть» ААҖ медсанчасте, республика сәламәтлек саклау учреждениеләренең 9 филиалы, 51 ФАП, 3 гомуми практика табибы һәм педиатр офисы, 7 табиб-лык амбулаториясе һәм 2 участок шифаханәсе эшли.
2020 елда ДОСААФ районында 3 нче поликлиниканың табиблык амбулаториясен, шәһәр балалар хастаханәсенең хирургия корпусын, республика онкология диспансеры Әлмәт филиалының радиология корпусын төзү төгәлләнде. Шулай ук ашыгыч ярдәм станциясе автопаркы тулысынча яңартылды. Авылларда медицина объектларын югары тизлекле интернетка тоташтыру табибка читтән торып электрон язылу һәм телемедицина консультацияләре үткәрү мөмкинлеге бирде.

Бу көн мәхәббәт, изгелек яктысы, хөрмәт һәм рәхмәт хисе белән сугарылсын иде. Барыгызга да зур уңышлар, ныклы сәламәтлек, рухи ныклык, бары күңелле мизгелләр генә телим. Сизгер йөрәгегез пациентларыгызның рәхмәтен тоеп типсен.

Әлмәт муниципаль районы башлыгы Тимур Нагуманов