Тимур Нагуманов 2022 елда Әлмәттә нинди хастаханәләр ачылачагы турында сөйләде

"Безнең медицина  коронавирус проблемасыннан бераз читләште. Ул тулысынча китмәде, әмма авыручылар саны кимеде. Агымдагы елда безнең район үзәк хастаханәсендә капиталь ремонт дәвам итте, якын арада  район үзәк хастаханәсендә яңа кабул итү-диагностика бүлеге сафка басачак. Шулай ук тиздән Алсу һәм Агроселок микрорайоннарында гомуми практика табибы офисы һәм балалар педиатры кабинеты төзелеше башланачак", – дип хәбәр итте Әлмәт районы башлыгы.

19 июньдә медицина хезмәткәре көне билгеләп үтелә. Тимур Нагуманов медицина учреждениеләре хезмәткәрләрен һөнәри бәйрәмнәре белән котлады, фидакарь хезмәтләре өчен рәхмәт белдерде һәм нык сәламәтлек теләде.