Салкын тигәндә нинди продуктлардан баш тартырга кирәк?

Табиб Парецкая салкын тигәндә чикләвекләр  һәм газлы эчемлекләр кулланмаска тәкъдим итә. 

Салкын тию вакытында терелү процессын тоткарлый яки аллергия өянәгенә китерә торган кайбер ризыклардан баш тартырга кирәк, дип белдерде иммунолог-аллерголог Елена Парецкая. «Доктор Питер» басмасы белән әңгәмәдә ул дәвалануга комачаулый торган ризыкларны атаган, дип хәбәр итә Лента.ру.

Табиб ОРВИ һәм гриппның беренче билгеләрендә баш тартырга киңәш иткән беренче нәрсә — алкоголь. Борычлы аракы, коньяк яки  шәраб хәлне яхшыртмый, ә сусызлануга һәм мигренга китерәчәк, дип кисәтте ул. Моннан тыш, көчле эчемлекләр иммун күзәнәкләренә зыян китерә, бу организмның саклау функциясен зәгыйфьләндерә.

Салкын тидергәндә, чикләвек кулланудан баш тарту яхшырак. Парецкая бу продукт категориясенең бик аллерген булуын һәм организмдагы ялкынсыну процессы фонында көчле аллергиягә  китерергә мөмкин булуын әйтә.

Шулай ук грипп, ангина яки ОРВИ вакытында рационнан пакеттагы соклар һәм газлы эчемлекләрне төшереп калдырырга кирәк, дип дәвам итте иммунолог. Аларда консервантлар, буяулар күп, иммунитетны «бозучы» шикәр күп һәм файдалы матдәләр аз.

Моннан тыш, Парецкая югары температурада җиңел шулпаларга, пешкән  тавык итенә өстенлек бирергә киңәш итте, ә майлы фастфуд бавырның эшен арттыра һәм иммунитетның эш нәтиҗәлелеген киметә, шуның белән терелүне акрынайта диде.