Әлмәт район үзәк хастаханәсенең яшь хезмәткәрләре өчен тренинг узды
Әлмәт үзәк район хастаханәсендә медицина хезмәткәрләренең һөнәри (эмоциональ) яну синдромын профилактикалауга багышланган тренинглар сериясенең берсе булып узды.
Тренингта хастаханәнең яшь хезмәткәрләре – табиб-терапевтлар, фельдшерлар, шәфкать туташлары, санитаркалар катнашты. Әлмәт үзәк район хастаханәсенең әйдәп баручы белгече – медицина психологы Эльза Дильмөхәммәтова сүзләренә караганда, кече төркемнәрдәге тренингларның әлеге сериясенең максаты яшь хезмәткәрләрнең һөнәри яктан яну куркынычын ачыклау һәм булдырмау, аларда үз-үзләрен көйләү күнекмәләрен формалаштыру, шулай ук аларның һөнәри эшчәнлек белән турыдан-туры бәйле булган үтенечләрен анализлау.
Тренинг барышында төркемле әңгәмә, эмоциональ халәтне гармонияләштерү һәм аннан соң үз-үзеңә ярдәм итү өчен практик күнегүләр сериясе, аноним анкеталар уздырылды.
Фото: Әлмәт район үзәк хастаханәсе
Следите за самым важным и интересным в Telegram-каналеТатмедиа
Оставляйте реакции
