Әлмәттә «АльМедик» медицина проекты тәмамланды

Россиянең 11 төбәгеннән килгән студент-медиклар, Карелия Республикасыннан башлап Алтай краена кадәр, «АльМедик» белем бирү программасын тәмамладылар.

Программа кысаларында алар  үзәк район хастаханәсе һәм балалар шәһәр хастаханәсе бүлекчәләрендә медицина персоналы сыйфатында эшлиләр. Моннан тыш, яшьләр район халкы өчен профилактика һәм сәламәтләндерү чаралары үткәрделәр.

"Проект кысаларында Мин Әлмәт районының ерак авылларына бардым, анда үзәк район хастаханәсенә диспансеризация үткәрергә, киләчәктә базага кертү һәм алар өстендә алга таба медицина манипуляцияләре үткәрү өчен халыктан билгеле бер мәгълүмат җыярга ярдәм иттем", — дип сөйләде проектта катнашучы Лидия Глушко, Новгород өлкәсе.

Студентлар төрле биремнәр үтәгәннәр: диспансерлаштыру үткәргәннәр, авыруларны караганнар, кемдер хәтта операция бүлмәсенә барып, хирургның эшен күзәткән.

"Мин авыруларны карау буенча шәфкать туташы булып эшләдем", - дип уртаклашты проектта катнашучы Александра Мангутова, Мордовия Республикасы.

Хезмәт проекты Әлмәт муниципаль районы башлыгы Тимур Нагуманов, сәламәтлек саклау министрлыгы һәм Татарстан Республикасы яшьләр эшләре министрлыгы, шулай ук Казан дәүләт медицина университеты администрациясе ярдәме белән оештырылды. Мәгариф-гамәли программаны гамәлгә ашыру «ТАТНЕФТЬ» ачык акционерлык җәмгыятенең грант ярдәме белән узды.

Чара ахырында ирекле медицина отрядлары вәкилләрен бүләкләү тантанасы узды. 2023 елда эш нәтиҗәләре буенча, беренче урынны Новгород өлкәсе вәкилләре алды. Бу этапта «АльМедик» проекты тукталырга җыенмый, оештыручылар Татарстанның башка районнарын да җәлеп итү бурычын куя.
 

Фото: Әлмәт районы башлыгы матбугат хезмәте