Әлмәт районында КамАз белән җиңел машина бәрелешкән

Яр Чаллы – Зәй – Әлмәт юлында йөк машинасы җиңел автомобиль белән бәрелешкән. Бу хакта шәһәрнең ЮХИДИ бүлеге хәбәр итә.

Автоинспекторларның башлангыч мәгълүматлары буенча, КамАЗ машинасы борылыш вакытында каршы юнәлештә барган KIA CEED машинасына юл бирми.

Авария нәтиҗәсендә чит ил машинасы йөртүчесе зыян күрә. Ирне медсанчастькә китерәләр, аңа амбулатор дәвалау билгеләнгән.