Әлмәттә балалар машина йөртүчеләргә хатлар яздылар

Әлмәт юлларында янә акция узды. Бу юлы – "Шоферга хат". Руль артына утыручыларга юлламаларны балалар язган. Чара юл-транспорт һәлакәтләрендә һәлак булучыларны искә алу көненә багышланган иде.

Хатларны «Менеджер»мәктәбе укучылары язды. Ә ЮХИДИ хезмәткәрләре машина йөртүчеләргә яхшы юл теләп, кәгазь хатлар тапшырдылар.

Машина йөртүчеләргә мондый игътибар ошады. Планлаштырылмаган тукталыш аларның елмаюларын уятты.

Автоинспекторлар һәм юл хәрәкәте куркынычсызлыгы оешмасы хезмәткәрләре юл-транспорт һәлакәтләре корбаннарын искә алу көненә багышлап акцияләрне ел саен үткәрә. Аларның максаты-юлга чыккан һәр кешенең тормышы мөһим булуын искәртү. Барыбызны да өйдә көтәләр.