Әлмәт районы балалар бакчасында юл куркынычсызлыгына багышланган чара узды

Дәүләт автоинспекциясе, мәгариф идарәсе, педагоглар, ата – аналар, 1 нче «Бәләкәч» балалар бакчасына йөрүче балалар «Автоледи-автомены» чарасында катнаштылар.

Максат: юлларда һәм урамнарда балаларның һәм өлкәннәрнең куркынычсызлык  күнекмәләрен формалаштыру, җәмәгатьчелек игътибарын балалар юл - транспорт травматизмы проблемасына җәлеп итү.
Катнашучыларның өч командасы 3 турда биремнәр үтәделәр. 

Мәктәпкә әзерлек «Лучики», «Тамчылар», «Пчелки», «Волшебники», «Жемчужинки» төркемнәре  иҗат номерлары белән чыгыш ясадылар: юл йөрү кагыйдәләре буенча шигырьләр сөйләделәр, биеделәр һәм җырладылар. Чара ахырында барлык катнашучыларга бүләкләр тапшырылды.