«Тоннель» рейды вакытында Әлмәт автоинспекторлары юл хәрәкәте кагыйдәләрен бозуның 14 очрагын ачыклаган

13 июльдә Әлмәт автоинспекторлары исерек хәлдә транспорт чаралары белән идарә итүче юл хәрәкәте кагыйдәләрен бозучыларны ачыклауга юнәлдерелгән «Тоннель» рейды үткәрде. Бу хакта дәүләт автоинспекциясенең район бүлеге хәбәр итә.

Әлеге операция барышында 80 транспорт чарасы тикшерелгән һәм 14 юл хәрәкәте кагыйдәләрен бозу очрагы ачыкланган: 6 – куркынычсызлык каешын бәйләмәгән өчен, 5 – тонировка өчен, 1 – исерек хәлдә транспорт белән идарә иткән өчен (махсус тукталышка куелган), 2 – кабат тонировкалаган өчен.

Фото: Әлмәт дәүләт автоинспекциясе