Әлмәт шоферына җәяүлеләрне үткәрмәгәне өчен штраф салына

Әлмәттән  машина йөртүче  дәгъва белән шәһәр судына мөрәҗәгать итә, аңа юл-патруль хезмәте инспекторы җәяүлеләргә өстенлек бирмәгән өчен 2500 сум штраф салган.

Утырышта әлмәтле: «юлны чыккан барлык кешеләрне үткәрдем һәм җәяүлеләрне хәрәкәт юнәлешен яки тизлеген үзгәртергә мәҗбүр итүче бернинди киртәләр дә тудырмадым» дип дәлилләгән.

Үз сүзләрен дәлилләү өчен, дәгъвачы регистратордан язма биргән, анда судья шоферның чыннан да җәяүлеләргә комачауламавын һәм хәрәкәт иминлеген тәэмин итүче кирәкле интервалны үтәвен күргән.

Суд карары буенча ДПС инспекторының карары гамәлдән чыгарыла, ә  эш туктатыла.