Әлмәттә инвалидлар өчен урыннарда автомобильләрен калдыручыларны ачыклыйлар

Инвалидлар өчен урыннарда машина кую өчен Әлмәт шоферлары 540 000 сумга штрафка тартылган. Көз уртасына бозучылар 90 булган. Бу ЮХИДИ статистикасы. Автомобиль йөртүчеләрнең гамәлләре административ хокук бозулар кодексының 12.19 статьясына туры килә. Аның икенче өлеше 5000 сум күләмендә штраф салуны күздә тота.

Дәүләт автоинспекциясе «Инвалид» тану билгесе куелган транспорт чараларын йөртүчеләргә исләренә төшерә, аларның инвалидлык билгеләү фактын раслаучы тиешле документлары булырга тиеш.

Югыйсә машина йөртүчегә штраф түләргә туры киләчәк. Автоинспекторлар тематик рейдларга чыга башлаганнан бирле, тиешле булмаган урыннарда парковканы яратучылар саны берничә тапкырга арткан. Автоинспекция мәгълүматлары буенча, бүген штрафка тартылучылар саны йөздән артып киткән. Июль азагында күрсәткеч 20 гә дәҗитмәгән булган.

"Инвалидлар өчен билгеләнгән урыннарда тукталыш кагыйдәләрен бозган өчен РФ КоАП 12.19 статьясының 2 өлеше нигезендә 5000 сум күләмендә штраф каралган, шул ук вакытта хокук бозучының транспорт чарасы тоткарлана", – дип искә төшерә РФ ЭЭМ ЮХИДИ башлыгының Әлмәт районы буенча урынбасары Андрей Лиманский.

Кагыйдә буенча калдырылган автомобильләр – медсанчасть каршындагы тукталышта күп икән.  Машина йөртүчеләр, кагыйдә буларак, анда машина кую өчен башка урын юк дип саныйлар. Транспортны конфискацияләү һәм аны штрафстоянкага алып китү хуҗасына тәүлегенә 1000 сумга төшә. Машинаны шунда ук тиешле урынга кую очсызга төшә, килешәсезме?

"Инвалид" танып белү билгесен законсыз кулланган өчен 5000 сум күләмендә штраф каралган. Законсыз куелган билге конфискацияләнергә тиеш", - дип өсти Андрей Лиманский.

Гади исәп-хисапларга мөрәҗәгать итсәк, иң начар очракта закон бозучыга 10000 сумнан артыграк акча чыгарырга туры киләчәк.