Әлмәт спортчылары бокс буенча Татарстан беренчелегендә җиңү яулады

25-29 гыйнвар көннәрендә Казан шәһәрендә 2005-2006 елларда туган яшүсмерләр арасында бокс буенча Татарстан Республикасы беренчелеге булып узды.

Шәңгәрәев Илдан (40 кг), Бормотов Артем (46кг) 1 нче урыннарны яуладылар.

Әлмәт егетләре Татарстан Республикасы җыелма командасы составына кертелде. Артем Бормотов 46 кг авырлык категориясендә безнең республика данын Идел буе федераль округы беренчелегендә яклаячак.

Спортчылар "Девон-Юность" бокс клубында шөгыльләнәләр. Тренерлары: Низамиев Р. Р., Бормотов С. А.

Фото: скриншот инстаграм