Әлмәт егетләре - көрәш аксакалы Илгизәр Димеев истәлегенә багышланган республика турниры җиңүчеләре
Зур спорт бәйрәме «Татнефть» хәйрия фонды ярдәме белән ТР көрәш Федерациясе, Әлмәт «Ак бүре» көрәш Федерациясе белән берлектә үткәрелде.
Казанда спорт легендасы, ТР атказанган тренеры һәм ТР атказанган физик культура хезмәткәре, Әлмәттә беренче көрәш секциясенә нигез салучы Илгизәр Димеев истәлегенә багышланган республика турниры узды. Быел аңарда 2004-2006 нчы елда туган яшүсмерләр катнашты. Зур спорт бәйрәме "Татнефть" хәйрия фонды ярдәме белән ТР көрәш Федерациясе, Әлмәт "Ак бүре" көрәш Федерациясе белән берлектә үткәрелде.
Көрәш 8 үлчәү авырлыгында барды. Турнирда Әлмәт командасы егетләре дә уңышлы чыгыш ясады. Үз авырлык категориясендә беренче урынны Семкичёв Румиль яулады. Икенче урында Алмаз Гәрәев, Раджабов Рубин, Махмич Осман. Өченче урында Сергиванов Алексей, Шәйхетдинов Айбулат, Спиридонов Роман, Москов Булат, Ибрагимов Данил.
Ярышларның нәтиҗәсе буенча Әлмәт "Ак бүре" көрәш Федерациясе командасы беренче урынга лаек булды!
Рәмилә Хәмидуллина
Следите за самым важным и интересным в Telegram-каналеТатмедиа