Әлмәттә көз музыкаль ярыммарафоннан башлана

Нефтьчеләр каласында  АК БАРС БАНК Әлмәт музыкаль ярыммарафоны үтәчәк. Старт Ленин урамы, 98 нче йорт адресы буенча урнашкан “Нефтьче” Мәдәният сараеннан башлана. Әлмәт ярыммарафоны 7 октябрь көнне уздырылачак АК БАРС БАНК Казан милли ярыммарафоны алдыннан үзеңнең көчеңне сынап карау мөмкинлеге ул.

Традиция буенча яшь йөгерүчеләргә 600 метрлы дистанцияне йөгереп, медаль һәм иганәчеләрдән махсус бүләкләр ала алу мөмкинлеге булачак. 1еннән йөгерә башлаучыларга махсус 1 километрлы дистанциягә йөгерү оештырылачак.

16.00 сәгатьтә 3, 10 һәм 21,1 километр дистанцияле стартка профессиональ спортчылар һәм барлык бу спорт төренә битараф булмаган кешеләр чыга ала. Моннан бигрәк тә музыка яратучылар читтә калмас, чөнки дистанциянең буеннан-буена дәртле көйләр яңгыраячак.

Фото:http://almetyevsk.tatar.ru