Татарстан президенты Рөстәм Миңнеханов авыл хуҗалыгы хезмәткәрләренә автомобильләр тапшырды

Бүген «Казан Экспо» күргәзмә комплексы территориясендә район авыл хуҗалыгы һәм азык-төлек идарәләре хезмәткәрләренә автомобильләр тапшыру тантанасы узды. Чарада Татарстан Республикасы президенты Рөстәм Миңнеханов катнашты.

Машиналарны тапшыру Татарстан Республикасы Авыл хуҗалыгы һәм азык-төлек министрлыгының йомгаклау коллегиясе кысаларында узды. "Бүген без 2020 елга республика агросәнәгать комплексы эшенә йомгак ясыйбыз, агымдагы елга бурычлар куябыз. Авыл хуҗалыгына идарә – агросәнәгать комплексы структурасында иң мөһим звено. Татарстанда төрле милек рәвешендәге 5 меңнән артык авыл хуҗалыгы берәмлекләре һәм 468 мең шәхси хуҗалык исәпләнә. Бу бик зур ресурс, ул системалы рәвештә эшләргә тиеш. Монда авыл хуҗалыгы идарәләренең роле зур", - диде ТР президенты.

Рөстәм Миңнеханов Татарстан аграрийларына узган елда катлаулы эпидемиологик шартларда башкарылган эшләре өчен рәхмәт белдерде. "Агросәнәгать комплексы ышанычлы эшләде. Республика безнең территориядә җитештерелә торган барлык азык-төлек продуктлары белән тәэмин ителгән", - диде ул.

Татарстан президенты билгеләп үткәнчә, авыл хуҗалыгы идарәләре хезмәткәрләренең эше мобильлек таләп итә һәм яңа автомобильләр аларның хезмәтенең нәтиҗәлелегенә ярдәм итәчәк.

ТР президенты официаль сайты