Татарстанда ачык инвестицион счетлар саны 100 меңнән артып китте

Ел башыннан мондый счетларның саны 12,2% ка арткан. Идел буе федераль округында татарстанлыларның ИИС өлеше 13,5% тәшкил итә.

«Без татарстанлыларның шәхси инвестицион счетларга карата кызыксынуының тотрыклы үсешен күзәтәбез. ИИС китерергә мөмкин күбрәк табыш белән чагыштырганда, традицион банк кертеме астында процентлар. Тик инвестицияләү куркынычларны күздә тота һәм бөтен кешегә дә туры килмәвен аңларга кирәк: биржада акча эшләргә дә, акча югалтырга да мөмкин. Әгәр сез биржада мөстәкыйль сатарга уйласагыз, һичшиксез, укулар узыгыз", – дип киңәш итә Россия Банкының Идел-Нократ баш идарәсе Татарстан республикасы буенча Милли банк бүлеге идарәчесе Марат Шәрифуллин.

Исегезгә төшерәбез, гражданин елына 1 млн.сум күләмендә взнос белән бер ИИС ачарга мөмкин. Моның өчен брокерга яки идарәче компаниягә мөрәҗәгать итәргә кирәк. Аларның лицензияләре бармы-юкмы икәнен Россия Банкы сайтының "Финанс оешмасын тикшерү" бүлегендә тикшерергә мөмкин.

ИИС хуҗасы физик затлар кеременә салым буенча ике тотып калынган акчаның берсенә: взноска (еллык взнос суммасының 13% ы, салымны кире кайтару 52 мең сумга җитәргә мөмкин) яки операцияләрдән керемгә (счетны япканда керем салымыннан азат ителә) хокук ала.

 Килешүне вакытыннан алда өзгән очракта инвестор салымга тотып калынган акчаны алу хокукыннан мәхрүм ителә, ә элек алынган акчаны дәүләткә кайтарырга кирәк.

Шуны истә тотарга кирәк, инвестицияләрнең табышлылыгы гарантияләнмәгән, ә акча, банк кертеменнән аермалы буларак, дәүләт тарафыннан иминләштерелми.