Татарстанда президент академиясенең җәйге кампусы 180 студентны берләштерде

"Сезне кунакчыл Татарстанда сәламләвемә шатмын. Биредә кампус үткәрү матур традициягә әверелде. Бу, һичшиксез, чараның югары дәрәҗәдә уздырылуы биредә иң яхшы экспертлар катнаша",-диде мәгариф форумында катнашучыларга ТР Премьер-министры Алексей Песошин.

Татарстан республикасы Хөкүмәте башлыгы билгеләп үткәнчә, узган ел Covid-19 пандемиясе аркасында чара үткәрелмәгән. "Барлык санитар-эпидемиологик кагыйдәләрне үтәп, быел без кампусны үткәрергә булдык, - дип өстәде ул. - Эш нәтиҗәләре буенча төшереләчәк фильм 2019 елда катнашучылар кебек үк, экранда да бәхетле шәхесләрне күрсәтсен иде".

Җәйге кампусны ачу тантанасында шулай ук РФ Президенты каршындагы Россия халык хуҗалыгы һәм дәүләт хезмәте академиясе ректоры Владимир Мау да катнашты. "Безгә күп нәрсә турында фикер алышырга кирәк, ә сезгә — күп нәрсә эшләргә кирәк", - дип мөрәҗәгать итте ул. 

Россия Инновацион регионнары ассоциациясе директоры, Россия халык хуҗалыгы һәм дәүләт хезмәте академиясе проректоры Иван Федотов билгеләп үткәнчә, ел саен кампусның төп темасы һәм эш методикасы үзгәрә.

Президент академиясенең халыкара җәйге кампусы 24 июльгә кадәр дәвам итәчәк. Тугызынчы кампусның темасы "Кешеләр аралашуының яңа чынбарлыгы".

Кампус программасында лекцияләр, семинарлар, мастер-класслар, вебинарлар һәм тренинглар каралган. Фикер алышуның төп темалары-дөньядагы глобаль үзгәрешләр, дәүләт идарәсен үзгәртеп кору, икътисад, мәгариф һәм бизнес өлкәсендә дөнья трендлары, социаль багланышлар.

Чараларның гамәли өлеше проект командаларын формалаштыру күнекмәләренә, идарә осталыгына һәм даими үзгәрешләр чорында кирәкле шәхси сыйфатлар үсешенә багышланачак. Катнашучылар 10 командага берләшәчәк, алар ике атна дәвамында проектлар өстендә эшләячәк, ә аннары аларны экспертларга тәкъдим итәчәкләр.

Чыганак