Игорь Комаров: «Хакимиятнең гражданнардан аерылмавына юл куймау мөһим»

Казанда РФ Президентының Идел буе федераль округындагы тулы вәкаләтле вәкиле Игорь Комаров җирле үзидарәне үстерү буенча округ консультатив советының киңәйтелгән утырышын уздырды.

«Хакимиятнең гражданнардан аерылмавына юл куймау мөһим», — дип белдерде Игорь Комаров «Халык хакимиятнең бердәм системасында җирле үзидарәне оештыруның гомуми принциплары турында» закон проекты турында. 

Утырыш әгъзалары «Халык алдында Ббердәм хакимият системасында җирле үзидарә оештыруның гомуми принциплары турында» закон кабул ителүгә кагылышлы мәсьәләне анализладылар. Закон проекты Дәүләт Думасы тарафыннан беренче укылышта кабул ителде; икенче укылышта карау июнь башында күздә тотыла.

Утырышны ачып, Игорь Комаров билгеләп үткәнчә, җирле үзидарә турында яңа законны кабул итү күптән өлгергән: «Илдә җирле хакимият институтын булдыру буенча җитди эш башкарылган, шул ук вакытта җирле үзидарәнең оештыру нигезләрен камилләштерү белән бергә, бу эшнең төп нәтиҗәсе кешеләр тормышын реаль яхшырту булырга тиеш. Җирле үзидарәнең бу варианты җирле әһәмияттәге мәсьәләләрне хәл итү өчен финанс, оештыру һәм кадрлар ресурсларын консолидацияләргә мөмкинлек бирә. Хакимиятнең гражданнардан аерылмавына юл куймаска кирәк. Муниципалитетларда яшәүчеләрнең локаль мәсьәләләрне хәл итүдә мөстәкыйль катнашуының төрле рәвешләрен үстерергә, җирле инициативаларны хупларга кирәк».

Идел буе федераль округында бер катлы җирле үзидарә системасы моделе Удмурт Республикасында кулланыла, агымдагы елда мондый үзгәрешләрне Чувашия Республикасында, Пермь краенда һәм Түбән Новгород өлкәсендә төгәлләү планлаштырыла.