Әлмәттә җылылык өчен түләү мәсьәләләре буенча “кайнар линия” эшли башлады

Шалтыратуларны тиз арада эшкәртү максатыннан 000 хезмәтенә шалтыраткан әлмәтлеләрне интерактив тавыш менюсы сәламли.

Тавыш сәламләү тексты:
“Исәнмесез, сез “Ачык Әлмәт”кә шалтыраттыгыз.
Әгәр гариза калдырырга яки бирелгән гаризаның статусын белергә теләсәгез, 1 гә басыгыз.
Әгәр җылылык өчен түләүләр буенча сорауларыгыз булса, 2 гә басыгыз.
Әгәр сезнең башка сорауыгыз булса, линиядә калыгыз".

Халыкның шалтыратуларына торак-коммуналь хуҗалык һәм торак сәясәте департаментының ике белгече һәм җылылык челтәренең ике белгече җавап бирәчәк. Бер үк вакытта дүрт абонент белән сөйләшергә мөмкин булачак.

Алар 1,2,3,4 нче операторлар дип аталачак. 1 нче оператор тәүлек буе эшли (шимбә һәм якшәмбене дә кертеп), 2,3,4 нче операторлар эш көннәрендә 8.00-17.00 сәгатьләрдә эшли.