Әлмәттә 5 апрельдә микрорайоннарның күп өлеше салкын сусыз калачак

Әлмәттә 5 апрельдә Сургутская урамы буенча 4 нче суүткәргечтән шәһәр микрорайоннарына салкын су бирүне туктатып торачаклар. Бу «Татнефть»нең АТП базасын су белән тәэмин итү челтәрләренә тоташтыру белән бәйле. Бу хакта «Әлмәт-Водоканал» кисәтә.

1, 2, 3, 3 «в», 4 «в», «Д» зонасы, «Көнбатыш капкалар», «Яшьлек», «Алсу», «Агропоселок», «Кызылармейка», «Бигашево», «Техснаб» микрорайоннары, Репин урамы, «Приозерный», Кәләй авылы сусыз калачак.