Әлмәт районында кибетләрдә алкогольле продукцияне законсыз сату фактына чик куелды

Россия Эчке эшләр министрлыгының Әлмәт районы буенча бүлеге хезмәткәрләре ТР Дәүләт алкоголь инспекциясенең Әлмәт территориаль органы хезмәткәрләре белән берлектә Габдрахман авылындагы берьюлы ике кибеттә алкогольле продукцияне законсыз сату фактына чик куйды. Шәхси эшмәкәрләр закон буенча алкогольле продукциядән бары тик сыра, сыра эчемлекләрен генә сата ала. Ә закон нигезендә, каты алкогольне юридик затлар гына сата ала. Кагыйдә бозучыларга зур штраф һәм конфискация яный.