Ноябрьдә әлмәтлеләр балаларына Космос, Эмануэлла, Альпа кебек сирәк исемнәр кушкан

Ноябрь аенда Әлмәттә 180 бала дөньяга килгән. Шуларның 87се-малайлар, 93е – кызлар. Бу хакта Әлмәт районы ЗАГСы хәбәр итә.

Иң кечкенә бала 430 гр авырлыкта туган, иң зуры 5000 гр. Иң яшь ананың яше – 19 яшь, иң өлкәне – 46. Бу айның иң яшь әтисенә 20 яшь, иң өлкәненә  62 яшь.

Ноябрь аенда Амелия, Ева, София, Әмир исемнәре популяр. Зәйнәп, Космос, Эмануэлла, Альпа, Софелия, Зейд, Эсмилла, Стелла, Акмаль кебек сирәк исемнәр кушылган. 

Фото: ru.freepik.com