Юрист Россиядә Яңа ел төнендә нәрсә өчен штрафка тарта алуларын сөйләде

Ул бу төндә ниләр эшләргә ярамаганны һәм закон бозулар өчен нинди җәзалар каралган булуын аңлатты. «Российская газета» шул турыда яза.

Барыннан да элек, җәмәгать урыннарында алкогольле эчемлекләр эчү тыелган икәнен истә тоту мөһим, дип сөйләгән белгеч «Прайм» агентлыгына. Моның өчен 1500 сумга кадәр штраф яный. Җәмәгать урыннарында тәмәке тарту да тыела, штраф – 500 сумнан 3000 сумга кадәр.

Икенчедән, тәрәзәләрдән һәм күп катлы йортларның балконнарыннан торак йортлар янында фейерверк җибәрергә ярамый. Бу кагыйдәне бозган өчен 500 сумнан 5000 сумга кадәр штраф билгеләнгән, ә җитди нәтиҗәләргә китергән очракта - биш елга кадәр иректән мәхрүм итү каралган. Юрист фейерверкны куркыныч янамый торган итеп кабызып җибәрү мөмкин булган урыннар турында идарәче компаниядән алдан белешергә тәкъдим итә.

Шулай ук, Кудерко сөйләвенчә, хакимиятне тиешенчә кисәтмичә генә күпләп җыелу, флешмоблар һ.б. тыелган. Әлеге кагыйдәне үтәмәү гражданнар өчен 10 мең сумнан 20 мең сумга кадәр, оешмалар өчен 100 мең сумга кадәр штраф белән яный. Күпчелек төбәкләрнең тынлык саклау турындагы законнарында Яңа ел искәрмәсе бар, аның нигезендә, иртәнге 3 яки 4 сәгатькә кадәр тавышланырга була. Әмма кайбер төбәкләрдә хәл башкача – 22 сәгатьтән соң тавышланырга ярамый.

Чыганак