Әлмәттә яңа туган балаларны тантаналы шартларда каршы алдылар

Гаиләләрне район башлыгы Тимур Нагуманов һәм "Бердәм Россия" партиясе исеменнән Әлмәт муниципаль районы Советы аппараты җитәкчесе Роза Әфләтунова һәм район башкарма комитетының ЗАГС идарәсе җитәкчесе Гүзәл Әмирова котлады.

Гөлназ һәм Эдуард Хәйрисламовлар, Гүзәл һәм Илмир Хөсәеновлар гаиләләренә нарасыйларның беренче документлары – ТР Президенты Рөстәм Миңнеханов исеменнән котлау белән туу турында таныклыклар тапшырылды.