Блогер Рөстәм Нәбиев Һималай тауларын буйсындырган

 Уфа блогеры куллары ярдәмендә биеклеге буенча дөньяда сигезенче булган тауга менә алды.  Казарма җимерелгәндә ике аяксыз калган элеккеге десантчы дөньяда беренче булып Эльбрусны яулап алган иде. Инде менә беренче булып, кулларында гына хәрәкәтләнеп Һималайны да яулавын хәбәр итте ул үзенең инстаграмында.

Биеклеккә менү өчен Рөстәм җитди әзерлек алган. 

"Миңа ышанучылар аз булды. 2 октябрь көнне 10:00 сәгатьтә Манаслу тавы очында идем. Альпинизм тарихында мин дөньяда беренче булып куллар ярдәмендә дөньяда сигезенче булган тауга менә алдым", - дип хәбәр итә ул Непалдан.

Котлыйбыз, сокланабыз сиңа, Рөстәм!