Әлмәт мәдәнияте

Әлмәт  үзенең тирән традицияләре, уникаль гореф-гадәтләре һәм бай мәдәни тормышы белән дан тота. Биредә халыкның ирекле иҗаты өчен идеаль шартлар тудырыла: төрле мәдәни чаралар үткәрелә, мәдәният йортлары, яшьләр үзәкләре гөрләп эшли. 

Әлмәтнең мәдәният идарәсе — районның мәдәни тормышының йөрәге. Оешма сәнгать  үсешенә актив ярдәм итә, мәдәни мирас объектларын саклый, шулай ук китапханә хезмәте күрсәтүне  оештыра. 

«Нефтьче» мәдәният сарае

Әлмәт муниципаль районында 141 мәдәният һәм сәнгать учреждениесе эшли һәм 99 һәйкәл бар. Мәдәният идарәсе эшчәнлегенең өстенлекле юнәлешләреннән берсе булып, ял итү өлкәсен үстерүгә ярдәм итү, мәдәни-ял итү эшчәнлегенең төрлелеген тәэмин итү, һөнәри күңел ачуларны популярлаштыру, аларга ярдәм итү, үстерү һәм камилләштерү, рухи ихтыяҗларны канәгатьләндерү һәм мәдәният кыйммәтләренә тарту тора. «Нефтьче» мәдәният сарае Әлмәтнең горурлыгы булып тора, анда 22 түгәрәк һәм коллектив эшли, 800гә якын кеше шөгыльләнә. «Нефтьче»  коллективы зур профессиональ дәрәҗәдә уздырыла торган барлык гомумшәһәр чараларының төп оештыручысы булып тора.

Әлмәт татар дәүләт драма театры

Әлмәт татар дәүләт драма театры – Татарстан нефтенең яшьтәше диярлек, ул 1944 елда оештырылган. 2005 елдан директор булып Исмәгыйлова Фәридә Бәгис кызы эшли. Бүген театр үз эшчәнлеген алдагы елларда билгеләгән иҗади принципларны үстерүне дәвам итә, төбәкара һәм халыкара элемтәләрне актив үстерә һәм ныгыта, танылган режиссерлар һәм рәссамнар белән хезмәттәшлек итә, ел саен 5-6 премьера постановкасы чыгара, яңа иҗади проектлар эшли һәм тормышка ашыра. Ел саен театр уртача 42 меңнән артык тамашачыга хезмәт күрсәтә.

Әлмәтнең музейлары, картиналар галереясы  фәнни-тикшеренү, фәнни-фонд һәм фәнни-экспозиция эшләре үткәрә.

Әлмәтнең китапханәләре

Шәһәр һәм район территориясендә халыкка хезмәт күрсәтү өчен шәһәрнең үзәкләштерелгән китапханә системасы бар, ул мәгълүмати, мәгариф һәм мәдәни-ял итү үзәге булып тора. Әлмәт-студентлар шәһәре. Мәдәният идарәсе, үзәкләштерелгән китапханә системасы алар өчен заманча технологияләр белән тулысынча җиһазландырылган чын мәгълүмати үзәккә әверелде.

Өстәмә белем бирү оешмалары

Мәдәният системасында 8 өстәмә белем бирү учреждениесе эшли. Безнең яшь талантларыбыз Татарстан республикасында, шулай ук Россиядә һәм аннан читтә конкурсларда катнаша.  Йөзләрчә чыгарылыш укучылары илнең әйдәп баручы югары уку йортларында белем алуларын дәвам итәләр.

Әлмәт музыка көллияте

Музыкаль кадрлар алачыгы дип музыка көллиятен атыйлар.Колледж республиканың көньяк-көнчыгыш төбәге өчен һөнәри белем бирүнең методик үзәге булып тора. Көллият эшләгән елларында 1600дән артык белгеч әзерләгән, алар арасында музыка укытучылары, иҗат коллективлары җитәкчеләре, театр һәм филармония артистлары, педагог-оештыручылар, клуб һәм мәдәният сарайлары директорлары бар. 

Әлмәт муниципаль районының барлык өстәмә белем бирү учреждениеләре гомуми белем бирү мәктәпләрендә укучылар, мәктәпкәчә учреждениеләрдә тәрбияләнүчеләр арасында, шәһәр предприятиеләрендә һәм учреждениеләрендә зур музыкаль-агарту эшләре алып баралар. Биредә концертция-концертлар, тематик класс сәгатьләре, тематик кичәләр кебек эш формалары кулланыла.

Нәтиҗә ясап, Әлмәт муниципаль районының мәдәният һәм сәнгать учреждениеләре эшчәнлеге югары мәдәниятле, белемле, сәламәт яшәү рәвеше алып баручы шәхес формалаштыруга, социаль һәм яшь төркемнәренең сәнгати-эстетик үсеше өчен уңайлы шартлар тудыруга, мәдәниятнең социаль ролен күтәрүгә юнәлдерелгән дип әйтергә була.

Әлеге сихри мәдәният, сәнгать дөньясы турында күбрәк мәгълүматны  «мәдәният объектлары» һәм «парклар» бүлекләрендә алырга мөмкин.